A pesar de que sempre acudimos ás nosas nais para pedirlles consellos maternais, a ciencia ten tamén que dicir neste tema. É o caso da amniocentese, realizada normalmente entre as semanas 14 e 20. O valor desta proba é que nos permite detectar posibles enfermidades xenéticas do feto, co cal os pais están máis informados sobre o estado do se fillo e se poderá ter necesidades especiais
Esta proba é especialmente recomendable para mulleres maiores de 35 anos ou que teñan antecedentes familiares de trastornos xenéticos. Axuda a detectar precozmente o Síndrome de Down, a fibrose cística ou a espiña bífida, e os resultados tardan cerca de dúas semanas. Tamén, xa que se analiza o cariotipo (conxunto completo de cromosomas), o estudo determina con certeza o sexo do feto.En etapas posteriores, pode utilizarse para diagnosticar infeccións uterinas, o que pode ser de gran axuda para salvar a vida da nai e o seu fillo.
O procedemento é sinxelo. Utilizando un transductor para realizar unha ecografía, o médico aplica un produto anestésico e elixe un lugar para introducir a fina agulla. Tómase unha mostra de líquido amniótico, do cal se extraen células. Estas son cultivadas no laboratorio, e o seu ADN analizado para comprobar o benestar do feto. A pesar da súa utilidade, existe un pequeno risco do 0,8% de que se produza un aborto espontáneo debido á proba e por iso debe estar aconsellada sempre por un experto
Este exame forma parte dunha variedade de métodos de diagnóstico prenatal, coma a biopsia de corion ou o diagnóstico preimplantacional. Estes modernos métodos son unha ferramenta médica que prepara ós pais para o seu futuro rol.